LIS KÈK
PWOVÈB AYISYEN
Achte peye, prete remèt, se sa ki fè zanmi dire.
Analfabèt pa bèt.
Anba levit fè nwa.
Anba moumou se dèy.
Anvan chen manje zo, li mezire machwè l.
Apre dans, tanbou lou.
Avantaj kòk, se nan zepon l li ye.
Bèf pa janm di savann mèsi.
Bèl antèman pa vle di paradi.
Bèl fanm pa vle di bon mennaj.
Bouch manje tout manje, li pa pale tout pawòl.
Bourik toujou rete bourik.
Bwa ki nan men w, se avèk li ou pouse chen.
Chat konnen, rat konnen, barik mayi a rete la.
Chat mande swe, lage chen dèyè l.
Chay la sot sou tèt, li tonbe sou zepòl.
Chay ou pa ka pote, ou mete l atè byen dousman.
Chay sot sou tèt li tonbe sou zepòl.
Chemen bezwen pa janm long.
Chen ki bwè ze pa kite metye.
Chen ki konnen w, se li ki souke ke l pou ou.
Chen ou fè byen se ou li mòde lè li anraje.
Chen pa janm mòde pitit li jis nan zo.
Danmijann poko plen, boutèy paka jwenn.
De kou nan bouda bourik la, de kou nan sakpay
la.
Depi l rat, se premye fwa li pran nan pèlen.
Devenn se pyan.
Dlo lacho blanch, men li pa lèt pou sa.
Dlo ou pa pè se li ki pote ou ale.
Dlo ou paka bwè, ou pa souke l nan bouch ou.
Dwèt ou pou ou, ou paka koupe l jete.
Dyab pa pè dyab.
Dyondyon leve kote l vle, menm anba jouk poul.
Fè zanmi ak kouto anvan zabriko mi.
File kouto, men veye dwèt ou.
Fiyèl mouri, makomè kaba.
Fòk ou konn la, pou w al la.
Fòk ou pase maladi, pou w konn remèd.
Foumi pa mouri anba barik siwo.
Foumi pa mouri anba sak sik.
Grangou se mizè, vant plen se traka.
Granmoun pa rete ak granmoun.
Kabrit de mèt mouri nan solèy.
Kabrit gade je mèt kay anvan l antre.
Kabrit pa mare nan pikèt bèf.
Kafou toujou pi gran pase gran chimen.
Kaka poul pa ze.
Kalbas gran bouch pa kenbe dlo.
Kochon mawon konnen sou ki bwa pou l fwote.
Konstitisyon se papye, bayonèt se fè.
Kote y ap plimen kodenn, poul pa ri.
Koukou wè lwen, men li pa wè dèyè tèt li.
Koulèv ki konn lajè gòj li vale krapo.
Kouto pa janm grate manch li.
Labouyi cho, ou manje l sou kote.
Lajan kase wòch.
Lajan nan pòch pa fè pitit.
Lajan pa al kay gangan pou l tounen.
Lajan pa fè boul nan pòch malere.
Lajan pa gen lodè.
Lang malveyan file pase kouto de bò.
Lang pa lanmè, men li ka neye w.
Lanmò bourik ranje chen.
Lanmou pa konn dèyè pyese.
Lè chat pa la, rat bay kalinda.
Lè marengwen ap vole, ou pa konn kilès ki mal,
kilès ki femèl.
Lè ou wè vye zo nan chimen, konnen li te gen chè
sou li yon jou.
Lè pa gen chen, kabrit al lachas.
Lè poul mare, ravèt fè l eskplikasyon.
Lè ti kribich bezwen grandi, se nan twou wòch li
rete.
Lè ti poul twò cho, se malfini ki dèyè l.
Lè w ap manje ak dyab, ou kenbe fouchèt ou long.
Lè w bezwen kongo, ou rele l yaya.
Lè w gen sèl nan solèy, ou veye lapli.
Lè w malere, tout bagay sanble w.
Lè w manje pitit tig, ou pa dòmi di.
Lè w mouri, ou pa pè santi.
Lè w nan mitan bourik, ou pote ba.
Lè w sot pi wo, ou pran pi gwo so.
Li pa janm twò ta pou chen anraje.
Mache sou pinga w pou w pa pile si w te konnen.
Mache tankou yon kòk kazwèl ki pran move kout
zepon.
Makak pa jwe ak tig.
Makak sou, men li p ap dòmi douvan kay chen.
Malfini manke w, li pa bliye w.
Manje kuit pa gen mèt.
Mari moun se ji chadèk, pa lite l anmè nan men
w.
Matla te di plis pase sa, epi li kite payas
monte l.
Mizè fè bourik kouri pase chwal.
Mouch pa antre nan bouch ki fèmen.
Moun ki di men koulèv la, se li ki touye l.
Moun ki swe pou ou se pou li ou chanje chemiz.
Mwen byen sangle, mwen p ap foule.
Nan bay kout men, ou jwenn kout pye.
Nèg sòt mare chwal li, nèg lespri paka lage l.
Ou chita sou tui, w ap pale bèf mal.
Ou montre makak voye wòch, premye moun li kase
tèt se ou.
Ou pran ka piskèt, li mande kokoye.
Ou wè mare chwal, mare bourik pi rèd.
Pa konnen pa al lajistis.
Pale fransè pa di lespri.
Pise gaye pa fè kim.
Pitit malere malelve, pitit granèg malapri.
Pito dlo a tonbe, kalbas la pa kraze.
Pòv pa mande degi.
Ravèt pa janm gen rezon devan poul
Sa chat konnen, se sa li montre pitit li.
Sa ki pa bon pou sak, ou pa bay makout li.
Se bon sòs ki met lang deyò.
Se grès kochon an ki kwit kochon an.
Se lè koulèv la mouri ou wè longè l.
Se lè w pile chen, ou konn si li konn mòde.
Se nan chemen jennen ou kenbe chwal malen.
Se pa lè yon moun ap neye, pou w montre l naje.
Se senk kòb ki fè goud.
Se sou chen mèg, yo wè pis.
Se soulye ki konnen si chosèt gen tou.
Si chen rakonte w sa li wè, ou p ap janm mache
lannwit.
Si kalmason te vyann, se pa nan mitan chemen ou
ta jwenn li.
Si w renmen po a, fòk ou renmen grenn lan tou.
Tande pa di konprann pou sa.
Teke mab la jis li kase.
Ti bout kouto miyò pase zong.
Ti mapou pa grandi anba gwo mapou.
Ti moun fwonte fè bab nan simityè.
Tig gen vye men, zong li pa janm vye.
Tout bèt nan lanmè manje moun, men se reken ki
pote pi move non.
Tout chay gen twokèt li.
Wi pa monte mòn.
Yon sèl dwèt pa manje kalalou.
Zafè nèg pa janm piti, se janm kanson l ki piti.
Zèb ou pa vle leve nan jaden ou, leve devan pòt
kay ou.
Ourdy DESSOURCES
