Haïti/Politique :
Le Regroupement des Organisations Nationalistes (RON) se positionne
Dans une note rendue publique à l'approche du 07 février 2022, le Regroupement des Organisations Nationalistes (RON) fixe sa position sur la conjoncture actuelle du pays dans le but de dénouer à la crise que connaît Haïti depuis déjà trop longtemps.
Composée d'une dizaine de structures organisationnelles de plusieurs départements du pays, le RON opte pour un accord beaucoup plus inclusif.
En effet, le Regroupement des Organisations Nationalistes appelle les signataires des différents accords à trouver un terrain d'entente en vue d'harmoniser les grands axes de ces pactes.
Prenez lecture de la note du Regroupement des Organisations Nationalistes (RON) :
Pòtoprens, 04 fevriye 2022
Lonè, Respè
Tanbou chanjman pou lavi miyò an bat toupatou sou latè, men ta sanble li pa rive klewonnen nan zorèy sila k ap fè politik isit an Ayiti.
Se ak anpil endiyasyon RON (Regwoupman Òganizasyon Nasyonalis) konstate enkapasite klas politik la ak kominote entènasyonal la afiche douvan kriz k ap manje nannan sosyete ayisyèn lan depi dig dantan. RON sezi wè jan aktè ki konsène yo wè sitiyasyon malatchong peyi a ap viv la. Poutan yo pa sispann vomi akò san tèt san kò. "7 fevriye 1986 - 7 fevriye 2022" 36 lane depi n ap tatonnen nan yon demokrasi kote sèl gany nou se moso libète lapawòl.
Ou pa bezwen li nan gwo liv pou w konprann se monte sou pouvwa pou pyafe ak taye banda ki nan kakòn tèt anpil aktè politik ayisyen. Se konpòtman sa yo ki fè nou menm nan RON nou toujou kanpe nan kan pèp la. Nan sans sa, RON mande prese prese pou tout akò yo mete yo dakò pou akouche yon gouvènman tranzisyon k ap soti nan matris linyon. Wòl gouvènman sila a se tabli prese prese sekirite sou tout teritwa a epi òganize bon jan eleksyon ki p ap soti nan moul kominote entènasyonal la, ni ki p ap bay pèsonn bwa long kenbe.
RON p ap danse won nan pyès kan, li sèlman vle wè byennèt pèp la. L ap sipòte tout aksyon ki ale nan sans sa a. Menm jan l ap kwape demokratikman, tout aksyon politisyen sanginè, san karaktè ki mare sosis yo ak etranje pou trennen peyi a nan labou.
Boutofen, RON mande pou popilasyon an rete vijilan pou defann dwa li jan sa dwe fèt pou tout ayisyen ka viv tankou moun.
YON SÈL TÈ, YON SÈL PATRI, AYITI P AP PERI SI NOU FÈ L WON !
Pou otantifikasyon :
Biwo Kominikasyon REGWOUPMAN ÒGANIZASYON NASYONALIS (RON)
Emmanuel SAMEDI, Anseyan, Jounalis
Wolf Bertnony SIMON, Avoka
Kontak: (+509) 4853-7522 / 3803-2430
Email: ronhaiti1804@gmail.com
Twitter: @ronhaiti1804
Adrès: Rue de l'enterrement, Port-au-Prince, Haiti, (W.I).
